Фершпед, во првиот квартал од оваа година, оствари добивка од 14.703.000 денари, покажува билансот на успех објавен на Македонска берза.
Во периодот јануари – март минатата година, добивката на компанијата беше на ниво од 15.435.000 денари.
Вкупните приходи од продажба, заклучно 31-ви март, достигнаа 732.700.000 денари. Поголемиот дел од 687.749.000 денари е остварен на домашен пазар, додека остатокот од 44.951.000 денари отпаѓа на продажба на странски пазари.
“Последиците од кризата ќе влијаат на оперативното работење на друштвото, на ликвидноста , како и на наплата на побарувањата. Има намалување на продажбите во доменот на услугите во сите сектори, а негативните ефекти особено се почувствуваа во сектор угостителство поради забраната за работење на угостителските објекти. Во моментов со одредени потешкотии се подмируваат обврските кон доверителите и доколку ситуацијата продолжи друштвото не ја исклучува можноста да побара репрограмирање на обврските спрема финансиските институции“, стои во Образложението за остварените резултати.
Фото: Pixabay
