Имате идеја за започнување на бизнис, но не знаете од каде да почнете? Или можеби имате проблем во веќе постоечката компанија, што не знаете да го решите?
Одговор на овие прашања, сите заинтересирани добија токму на Funky Coworking Friday, настанот чиј што домакин за прв пат годинава беше CEED Hub Скопје.
На средбата сите фриленсери, стартапџии, дизајнери и маркетери добија совети и разменија искуства на Ask-Me-Anything сесиите со Maris Prii од Естонија, поранешен оперативен директор на стартапот Wise Guys.
Средбата се одржа во новите простории на CEED Hub Скопје со единствена цел да се отфрли традиционалниот начин на работа.
Сите кои бараат алтернативно место да работат, да разменуваат искуства и знаења, да се запознаваат со нови содржини и нови технологии CEED Hub Скопје е отворен за нив.
