Фото: Pexels
Франција најави дека компаниите што нема да го поправат јазот во платите помеѓу мажите и жените ќе се соочат со казни. Компаниите ќе треба да инсталираат софтвер што ќе биде директно поврзан со нивниот финансиски ситем за да се набљудува дали ќе се појави нееднаквост во платите, пишува Independent.
Проектот најпрвин ќе се тестира кај оние компании што имаат до 50 вработени, а подоцна ќе биде имплементиран и кај фирмите со 50 до 250 вработени. Доколку за три години работодавачите не ја изедначат платата помеѓу родовите, трудовиот инспекторат ќе ги казни во висина од 1% од годишната заработувачка на компанијата.
На пазарот на труд во Франција, мажите во просек се за 9% повисоко платени од жените, иако законот предвидува еднакви плати веќе 45 години назад.
