Нетото богатство на францускиот тајкун Бернар Арно оваа година падна повеќе од кој било друг милијардер во индексот на милијардери на Блумберг. Ова се случи поради намалувањето на побарувачката за луксузни стоки.
Основачот на модниот конгломерат LVMH забележа пад на неговото богатство за 20 милијарди долари во 2024 година. Според рангирањето на 500 најбогати луѓе во светот, неговото богатство сега се проценува на 187 милијарди долари.
Загубите на Маск
Во меѓувреме, Илон Маск, најбогатиот човек на светот, претрпе поголем дневен пад, иако останува во црно за 11,5 милијарди долари во 2024 година.
Минатиот месец Арно (75) падна на третото место на листата на најбогати поединци во светот, а потсетуваме дека за време на пандемијата на Ковид 19 ја зазеде првата позиција, благодарение на растот на глобалната побарувачка за луксузни стоки.
Падот на богатството на Арно е вкоренет во економската слабост на Кина, т.е. пазар на кој долго време се потпираше луксузната индустрија. Продажбата на LVMH во регионот кој ја вклучува Кина падна за 14 отсто во последниот квартал, што е разочарување за групата која досега беше меѓу најотпорните.
Фото: Facebook
