Финансиските лидери на Групата седум (Г7) се согласија да сторат сè што е можно за да ја стабилизираат глобалната економија поради војната меѓу САД и Израел против Иран, според учесниците на состанокот одржан во Вашингтон.
Јапонскиот министер за финансии Сацуки Катајама им изјави на новинарите дека членовите на Г7 се согласиле да презентираат обединет фронт во справувањето со економските предизвици во време кога растечките цени на енергијата и прекините во синџирот на снабдување ја погодуваат глобалната економија, објави Кјодо.
Министрите за финансии и гувернерите на централните банки од Г7, во која членуваат Велика Британија, Канада, Франција, Германија, Италија, Јапонија и САД, заедно со Европската Унија, се стремат да спречат продолжен конфликт на Блискиот Исток што би можел дополнително да ги зголеми цените и да го забави глобалниот раст.