Американските компании General Motors и Lyft оваа година ќе започнат со тестирање на првото автономно хибридно такси возило, пишува Wall Street Journal.
General Motors пред неколку месеци инвестираше 500 милиони долари во Lyft, компанија за споделување на возењето којашто е конкурент на Uber. Целта на General Motors е да ја искористи базата на Lyft во комбинација со електричниот автомобил Chevrolet Bolt EV.
Lyft ќе им овозможи на нивните корисници да се возат во прототипот на Bolt EV, преку апликација за паметни уреди. Сè уште не е познат градот во којшто ќе се спроведе тест – возењето.
