Директорката на Меѓународниот монетарен фонд (ММФ), Кристалина Георгиева, ги предупреди светските креатори на политиката на опасност од нова Студена војна додека ги засилуваат напорите за обезбедување индустриски синџири на снабдување во услови на геополитички тензии меѓу големите сили.
Георгиева на прес-конференција во четвртокот во рамки на пролетните состаноци на ММФ и Светската банка во Вашингтон рече дека сега најважно е да се подобри безбедноста на глобалното снабдување и да се спречи нова студена војна.
Георгиева рече дека верува дека тоа е можно и дека креаторите на политиката ќе мора да прифатат дека создавањето нови глобални синџири на снабдување ќе бара финансиски инвестиции.
Фото: Pixabay