Земјите од групата Г20 требаше да се договорат за данок за супербогатите. Но, две земји го блокираа договорот: САД и Германија. Во исто време, бројот на луѓе кои припаѓаат на оваа група постојано расте во Германија, пишува Дојче веле.
На крајот, сè заврши со омекната и необврзувачка изјава: „Со целосно почитување на даночната автономија на поединечните земји, ќе дадеме сè од себе за ефективно да ги оданочиме многу богатите и покрај тоа, иницијаторот и домаќинот на Г20“. Состанокот на министрите за финансии, бразилскиот министер за финансии Фернандо Хадад, го изрази своето задоволство и оваа необврзувачка заедничка изјава „Борбата против гладот, сиромаштијата, нееднаквоста како и оданочувањето на супербогатите сега се на меѓународната економска агенда, што укажува кон социјално поправедна и еколошки одржлива иднина“, рече Хадад во петокот вечерта во Рио де Жанеиро по состанокот.
250 милијарди за борба против гладта
Неговиот оптимизам се заснова на фактот дека оваа реченица била ставена во завршната декларација. Концептот предложен од тековната земја претседавач со групата Г20 Бразил, предвидува годишно оданочување од два отсто на имотот на најбогатите. Според пресметките на Бразил, тоа би донело 250 милијарди долари кои би можеле да се потрошат за глобалната борба против гладот, конфликтите и пандемијата.
Данокот би „удрил“ само на група од околу, како што пишува Ројтерс, 3.000 екстремно богати ширум светот Меѓу нив има луѓе како сопственикот на брендот Тесла, Илон Маск, основачот на Амазон, Џеф Безос или Французинот Бернард Арно – cопственик на серија луксузни брендови.
Шпанија и Франција за, САД и Германија против
Предлогот брзо ги подели земјите од групата Г20: додека водечките членки како Франција, Шпанија и Јужна Африка го поддржаа предлогот на Бразил, САД и Германија ставија вето. Во Германија, министерот за финансии и шеф на Либерално-демократската партија (ФДП) Кристијан Линднер е најмногу против оваа идеја.
Министерката за развојна помош Свења Шулце (Социјалдемократската партија на Германија СПД) покажа подготвеност за дискусии за овој вид данок. Таа рече дека „светот стана понеправедно место“ кога станува збор за распределбата на богатството и затоа предлогот на Бразил е „важен и правилен“. Но, против тоа е коалицискиот партнер на социјалдемократите, ФДП, која инаку е позната како партија која ги штити богатите.
Подемот на супербогатите
Во исто време, токму во Германија нагло зголемување на т.н супербогати, значи луѓе со имот од над 100 милиони долари. Во Германија минатата година бројот на супербогати се искачи на 3.300, што е за 300 повеќе од една година претходно. Така, Германија е на трето место зад САД со 26.000 супербогати и Кина со 8.300 луѓе кои поседуваат повеќе од 100 милиони долари.
