Германската влада одобри извоз на оружје во вредност од над милијарда евра на земјите коишто се вклучени во судирите во Јемен и Либија, јавуваат светските медиуми.
До 17-ти декември, Берлин за Египет одобри продажба на оружје и воена опрема во вредност од 725 милиони евра. Исто така, одобрен е извоз на оружје во Катар (305 милиони евра), Обединети Арапски Емирати (51,3 милиони евра), Кувајт (23,4 милиони евра) и Турција (22,9 милиони евра).
Дозволи се издадени и за Јордан (1,7 милиони евра) и Бахреин (1,5 милиони евра), со што вкупната вредност на извозот на оружје достигна 1,16 милијарди евра.
Сите наведени земји се вклучени во еден или двата судири во Јемен и Либија.
Фото: Freepik
