Фармацевти на германскиот Универзитет Хале-Витенберг развиле начин за откривање на мали количини коронавирус во раствор за миење на устата, користејќи техника којашто би можела да послужи за тестирање.
“Студијата користи примероци од раствор со кој пациентите заразени со новиот коронавирус ја исплакнале устата, успешно откривајќи го вирусот преку користење на масена спектрометрија (мерење на атоми и молекули за определување на нивната маса)“, соопшти Универзитетот.
Новата метода мора, како што се наведува, понатаму да се развива пред да може да се користи како стандардна дијагностичка алатка за да се надополнат постојаните тестови на коронавирус.
“Ги мериме пептидите кои доаѓаат од вирусот, а не генетскиот материјал“, објасни Андреа Синц, која работи на студијата.
Моментално се потребни 15 минути за добивање резултат од тој тест, а значајни се дури и мали количини на раствор од плакнење на устата.
“Ако тестот се покаже успешен, мерењата би можеле да ги спроведе неспецијализиран персонал“, велат експертите.
Фото: Freepik