Германскиот извоз во Соединетите Американски Држави би можел да падне за 14,9 отсто доколку Доналд Трамп биде избран за претседател на САД во ноември и ги исполни своите предизборни ветувања, се наведува денеска во извештајот на Институтот за економски истражувања ИФО од Минхен и платформата EconPol Europe.
Според извештаите, во тој случај извозот на германската автомобилска индустрија во САД би паднал за 32 отсто, а извозот на германски фармацевтски производи за 35 отсто.
Соединетите Американски Држави се еден од најважните трговски партнери на Германија – и во стоковниот и во услужниот сектор.