Британската фармацевтска компанија GlaxoSmithKline (Глаксо Смит Клајн) поднесе тужба до федералниот суд во Делавер против американскиот Pfizer (Фајзер) и германскиот BioNTech ( БиоНТек), тврдејќи дека тие ги прекршиле нејзините патенти за технологијата на гласникот RNA (mRNA) во вакцините против Ковид-19.
-Вакцините на Фајзер и BioNTech ги прекршуваат иновациите на GlaxoSmithKline заштитени со патент во mRNA вакцините, развиени повеќе од десет години пред пандемијата на Ковид-19, се вели во тужбата.
Се додава дека „патентите ја покриваат технологијата за пренос на нестабилни гласнички РНК во човечки клетки, која научниците почнаа да ја развиваат во 2008 година, а компанијата стана сопственик кога го купи бизнисот со вакцини на Novartis во 2015 година“.
Британската компанија бара парична отштета од Фајзер и БиоНТек, вклучително и такси за патент, без да наведе износ.
Портпаролката на Фајзер во соопштението нагласи дека компанијата е „сигурна во својата позиција во однос на интелектуалната сопственост и дека има намера „енергично да се брани“ од тврдењата на британската компанија. Портпаролот на БиоНТек одби да ја коментира тужбата.
Портпаролот на „Глаксо Смит Клајн“ рече дека компанијата верува дека нејзините патенти „ја обезбедуваат основната технологија што се користи во mRNA вакцините на Фајзер и БиоНТек против Ковид-19. Компанијата е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Фајзер, БиоНТек и Модерна веќе поднесоа низа тужби пред американските судови, оспорувајќи ги авторските права за патенти за технологијата што се користи во вакцините.
