Глобалната продажба на целосно електрични и plug-in хибридни возила се зголеми за 30,5 отсто на годишно ниво во септември, бидејќи Кина ги надмина рекордите поставени во август, а Европа продолжи да расте, објави компанијата за истражување на пазарот Rho Motion. Така, бројот на електрични возила на глобално ниво во септември достигна 1,69 милиони.
Продажбата во Кина се зголеми за 47,9 отсто во септември и достигна 1,12 милиони возила, додека во САД и Канада се зголемија за 4,3 отсто, односно 0,15 милиони возила.
Во Европа, продажбата на електрични возила се зголеми за 4,2 отсто на 0,3 милиони единици, најмногу поради 24 отсто пораст на побарувачката во Обединетото Кралство и растот во Италија, Германија и Данска, изјави за Ројтерс шефот на истражување Чарлс Лестер.
Добивките на американскиот пазар беа бавни и стабилни во пресрет на изборите на 5 ноември, рече Лестер, што го отежнува предвидувањето на трендовите во земјата.
Кинеските производители на автомобили, од друга страна, се обидуваат да ја зголемат својата продажба во Европската унија, и покрај увозните тарифи до 45 отсто и во услови на слабеење на глобалната побарувачка за електрични автомобили, покажуваат податоците од ова истражување.
На кинескиот пазар, проценува Лестер, стапката на пенетрација на електричните возила расте побрзо од очекуваното и продажбата би можела да биде рекордно секој месец до крајот на годината.
Тој, исто така, додаде дека годишниот раст на Германија од седум проценти е „дефинитивно позитивна вест“ и дека средните цели за намалување на емисиите на јаглерод, поставени во ЕУ за следната година ќе го тестираат пазарот на блокот.
Rho Motion очекува продажбата на електрични возила во Европа да достигне 3,78 милиони возила во 2025 година и 9,78 милиони во 2030 година, што е за 24 и 19 отсто помалку од претходните проценки, изјави шефот на автомобилското истражување Вилијам за Ројтерс.
Причината за ова може да лежи во најавите за намалување на субвенциите за потрошувачите што ги објави Франција на почетокот на овој месец, додека во септември Германија се согласи на даночни олеснувања за компаниите за нивната продажба на електрични возила, откако минатата година ја укина шемата за субвенционирање дизајнирана да го забрза зеленото транзиција.
