Глобалниот воздушен сообраќај во февруари порасна за 21,5 отсто на годишно ниво, покажуваат податоците објавени од Меѓународната асоцијација за воздушен транспорт (ИАТА).
Вкупниот капацитет, измерен во километри, е зголемен за 18,7 отсто во однос на претходната година, јавува Anadolu Agency.
Вкупниот авиосообраќај, мерено според приходите патнички километри, исто така е зголемен за 18,7 отсто на годишно ниво во февруари.
Меѓународниот сообраќај во февруари порасна за 26,3 отсто на годишно ниво, при што сите региони забележаа двоцифрен раст.
„Постои добра причина да се биде оптимист за нашата индустрија во 2024 година, бидејќи авиокомпаниите ги забрзуваат инвестициите во декарбонизација, а побарувачката на патници покажува издржливост пред геополитичките и економските несигурности“, рече генералниот директор на ИАТА, Вили Волш.
