Обемот на транспортот низ Суецкиот канал е намален за две третини во април 2024 година на годишно ниво, соопшти во четвртокот Меѓународниот монетарен фонд (ММФ).
По израелските напади врз Газа минатиот октомври, јеменската бунтовничка група Хути почна да напаѓа бродови поврзани со Израел во Црвеното Море, јавува Anadolu Agency.
Овие напади врз комерцијалниот превоз во Црвеното Море ги принудија логистичките фирми да користат алтернативни рути, зголемувајќи ги цените на превозот и одложувајќи ги пратките.
Според платформата Портвоч на ММФ, во соработка со Универзитетот Оксфорд, обемот на транспорт е речиси двојно зголемен во Р’тот Добра Надеж , кој е една од најважните алтернативи.
Портвоч рече дека ситуацијата влијае на многу економии на Блискиот Исток, Европа, Азија и Африка. Поморската рута низ Црвеното Море е важна за извозот на нафта од Блискиот Исток во Европа и од Русија во Азија.