На светските пазари, цената на нафтата има голем скок, четврта недела по ред, бидејќи трговците се надеваат дека наскоро, благодарение на вакцината против Ковид-19, економската активности ќе се нормализираат, а побарувачката за “црното злато“ ќе порасне.
Цената на барел на лондонскиот пазар минатата недела порасна за 7,2%, на 48,18 долари, додека на американскиот пазар барелот поскапел за 8%, на 45,53 долари.
Растот на цената на нафтата четврта недела по ред, благодарение на вестите за уште една вакцина против коронавирусот. По Pfizer и Moderna, потенцијална вакцина развива и британска AstraZeneca.
“Успешната дистрибуција на вакцини би требало да ја прекине силната врска меѓу ширење на заразата и мобилноста, но глобалната побарувачка за нафта и во тој случај се очекува да го достигне претпандемиското ниво на средината на 2022 година“, пишуваат аналитичарите на JPMorgan.
Фото: Freepik
