Последните активности на македонската финансиска сцена покажуваат дека Комерцијална банка АД Скопје останува меѓу водечките инвестициски избори, што дополнително се потврдува и со купување на акции од страна на член на нејзиниот Надзорен одбор. Овие потези претставуваат јасен индикатор на внатрешна доверба и позитивни очекувања за идниот развој на Банката.
Кога членови на раководството купуваат акции од компанијата, тоа често се интерпретира како уверување дека тие веруваат во нејзиниот раст и успех. Овој потег може да ја зголеми довербата на инвеститорите.
Вчера, преку соопштение на Македонската берза, Комерцијална банка АД Скопје извести дека Горан Антевски, Член на Надзорниот одбор на Банката, се стекна со 1.000 обични акции издадени од Комерцијална банка АД Скопје. Инаку Горан Антевски е генерален менаџер на „Раде Кончар – ТЕП“ и член на Надзорниот одбор на Комерцијална банка АД Скопје.
Според последните податоци на берзата, акцијата на Комерцијална банка АД Скопје се тргува по просечна цена од 29.398,73 денари.
