Горивата од ноќеска на полноќ добиваат нови и пониски цени, е одлуката на Регулаторната комисија за енергетика.
Цените на бензините Еуросупер БС – 95 и Еуросупер БС – 98 се намалуваат за половина денар. Според тоа, еден литар Еуросупер БС – 95 ќе чини 71 денар за литар, додека Еуросупер БС – 98 ќе се продава за 73 денари за литар.
За 1,5 денари за литар ќе поевтини Еуродизел (Д-Е V) и ќе чини 55 денари за литар. За исто толку ќе се намали и цената на Екстра лесното масло за домаќинство (ЕЛ-1), коешто ќе се продава по цена од 43,50 денари за еден литар.
Малопродажната цена на мазутот М-1 НС се намалува за 0,745 ден/кг и ќе изнесува 27,071 ден/кг.
