Горивата поскапуваат од пола до два денари

29

Горивата од полноќ ќе добијат нови и повисоки цени, одлучи денеска Регулаторната комисија за енергетика.

Бензините поскапуваат за два денари, па новата цена на Еуросупер БС – 95 ќе биде 60,50 денари за литар, додека Еуросупер БС – 98 ќе се продава за 62,50 денари за литар.

Новата цена на дизелот Еуродизел (Д-Е V) е повисока за пола денар и ќе чини 49,50 денари за еден литар. За половина денар поскапува и Екстра лесното масло за домаќинство и ќе се продава за 49,50 денари за литар.

Малопродажната цена на Мазутот М-1 НС се зголемува за 0,762 ден/кг во однос на цената утврдена со Одлуката од 14.09.2020 година и со тоа малопродажната цена на Мазутот М-1 НС изнесува 25,311 ден/кг.

Фото: Pexels