Неколку мали острови во Егејското Море се огласени за продажба преку грчките сајтови за недвижнини. Овие острови припаѓаат на групата острови на Киклади и се близу до познатите острови Фолегандрос, Сикинос, Аморгос, Куфонисија и Сирос.
Најевтиниот може да се купи за 4,9 милиони евра, додека најскапиот, со површина од 1,1 милион квадратни метри, се нуди за 12 милиони евра. Намалена е цената на продажба на еден од островите од седум на 4,9 милиони евра. Некои немаат плажи, но новиот сопственик има можност да ги направи во одредени делови на островот, се вели во огласот.
Некои од огласите за деветте острови понудени на продажба се појавија во мај и јуни годинава, а други се постари. Меѓу нив е група од три острови по цена од шест милиони евра, пренесува Blic.
