Првите туристи од Германија пристигнаа на грчкиот остров Крит, каде се чини дека новата туристичка сезона ќе почне многу порано пред закажаниот датум на 14-ти мај.
Локалните медиуми известуваат дека со авиони пристигнале стотина туристи од Германија. Првиот лет бил од компанијата EasyJet од Берлин со 57 патници.
Сите патници имале негативен тест на Ковид-19, стар не повеќе од 72 часа, како и пополнети обрасци за лоцирање на патници.
Грција бара сите патници да имаат пополнети обрасци за лоцирање еден ден пред влез и напуштање во земјата, пружајќи детални информации за тоа од каде доаѓаат, колку им траел претходниот престој во други земји и адреси на коишто ќе бидат сместени додека се во Грција.
Фото: Pexels