Грешки во кариерата што можат да ве чинат многу

24

neuspeh-pixabay

Фото: Pixabay

Постојат одредени нешта на коишто треба добро да се внимава ако сакате да напредувате во кариерата. За вашиот труд да не падне залудно во вода, потрудете се да (не) ги правите следниве работи.

Треба добро да внимавате на кого ќе му верувате и со какви луѓе ќе се дружите. Некои придонесуваат за вашиот успех, а други за жал можат да ве вратат на почетокот.

Немање на релевантен ментор кој може да ве советува на што точно треба да се фокусирате, што треба да направите во даден момент и од каде се треба да црпите искуство е голема грешка за секој што сака да гради успешна кариера.

Давање приоритет на платата наместо на собирање искуство и знаење. Во почетокот на вашата кариера најважно е да бидете дел од средина што ви овозможува одблиску да се запознаете со секој сегмент од бизнисот. Тоа истовремено ќе ви го даде потребното знаење што ќе ви помогне да успеете, а наградата ќе следува со секој добро вложен труд.

Очекување на можностите да дојдат до вас наместо самите да истражите каде истите лежат преку градење на познанства и истражувања може само да има негативен ефект врз вашата кариера.

Верувањето дека вашата диплома е доволна квалификација што ќе ви обезбеди лесна транзиција кон професионалниот живот е погрешно. За да изградите успешна кариера ви треба многу повеќе од парче хартија кое сведочи за завршеното образование.

Мислењето дека ги имате потребните вештини што се бараат во продажбата и дека не мора да работите дополнително за да го развиете својот сопствен бренд нема да ве однесе никаде. Учењето е процес што трае цел живот без разлика за што се работи.

Прекувремената работа за да ги импресионирате луѓето само ќе ви нанесе штета. Треба да го вреднувате своето слободно време.