На доделување на наградите на манифестацијата Сајт на годината, Grouper.mk беше избран за Најдобар сајт за 2018 година во Република Македонија од страна на гласачите и комисијата.
Grouper.mk беше и најнаградуваниот сајт, кој покрај главната награда освои уште четир други награди во категориите: Најдобар сајт за е-трговија (трето место); Најдобар корпоративен сајт (второ место); Најдобра мобилна апликација (второ место) и Најдобар мобилен сајт.
Како лидер во е-трговијата во Македонија, Grouper веќе осум години ја гради својата успешна приказна со повеќе од 200.000 регистрирани корисници и над 850.000 продадени купони, препознатлив по најдобрите зделки и уникатните промотивни тематски кампањи.
Креативниот тим од 18 млади ентузијасти, кој работи со љубов и пасија, велат дека ова признание е уште поголем мотив за прифаќање на новите предизвици и лансирање на нови проекти во годината која следи.
“Наградите и признанијата се производ на добрата работа, но не и главната цел. Признанието да се биде ’најдобар’ носи прекрасни емоции на победа, адреналин, допамин, возбуда, но носи и голема одговорност со себе, да се биде пример на кој другите може да се угледаат. Е-трговијата ја променивме и ќе продолжиме да ја менуваме заедно со сите вас. Прогресот не е лесен ама секогаш е енергичен. Изминатава година беше многу турбулентна за нас, ама ова признание ќе ни биде потсетник дека нашиот труд и напорна работа биле препознаени и валоризирани. Ова признание е заедничко. Вие, нашите корисници, соработници, пријатели и поддржувачи сте нашите победници. Без сите вас Grouper.mk немаше да биде најдобриот сајт во Македонија“, вели Нина Ангеловска, ко-сопственик на Grouper во Отвореното писмо до нивните корисници, соработници и пријатели.
Како што велат од Grouper, ова се признанија и награди за целата Grouper заедница, со посебна благодарност до корисниците и соработниците, без кои како што велат идеите и иницијативите не би биле реализирани. Целиот текст од отвореното писмо може да го прочитате тука.
