Хотелската компанија Hilton најави отворање на 700 нови работни места со полно работно време од дома, со што значајно ја проширува својата програма за кариера на далечина и флексибилна можност за работа ширум Соединетите Американски Држави.
Новите работни места од дома се отвораат во склоп со тимот Хилтон резервации и грижа за потрошувачи, а работниците од дома имаат еднакви права како и останатите вработени, вклучувајќи ги и можностите за раст и напредување во кариерата.
Овие се работни места во САД, но со денешните технологии и можностите коишто се нудат, може да се реализираат речиси секаде во светот, пишува Business Wire.
Одредени европски земји имаат и други облици на флексибилност како што е работно време кое предвид го зема престојувањето на детето во училиште или градинка, работно време кое би барало работење во време кога има премногу работа во поединечни дејности (хотели и време за оброк на гостите…), работа во време кое работникот го пријавил дека е слободен да работи.
Hilton е водечка хотелска групација, со портфолио на 17 брендови од светска класа, којашто има скоро 6.000 имоти со повеќе од 954.000 соби, во 117 земји.
Фото: Pexels