Новиот сопственик на Gorenjе, кинеската корпорација Hisense, реши да ги повлече акциите на компанијата од берзата.
Hisense е сопственик на 95,42% од акциите во Gorenjе, а на малите акционери ќе им понуди 12 евра по акција, што е еднакво на цената со којашто пред три месеци ги откупи акциите и на големите акционери.
Gorenje од вчера има и проширена управа каде што влегоа нови шест претставници од Hisense, пишува Biznisinfo.ba. Поранешните членови на надзорниот одбор поднесоа отставки, а претседателот на раководството на Gorenjе, Фрањо Бобинач, ќе остане на позицијата уште некое време.
Gorenje има 11.000 вработени, а освен својата матична компанија во Словенија има производствени погони во Чешка и Србија.
Фото: Gorenjе