Хотели со нова услуга: Лаборант во хотелска соба тестира гости

6

Хотел во хрватскиот туристички бисер, Дубровник, од први април на своите гости ќе им нуди нова услуга. Лаборант во соодветна опрема доаѓа во хотелските соби и ги тестира гостите.

“Цената на тестирањето не е секогаш вклучена во цената на собата, но во зависност од должината на престојот на гостите може да се резервира и пакет. Резултатите од ПЦР тестот ќе бидат на хрватски и англиски јазик“, наведуваат од хотелот Хилтон Империал во Дубровник.

Но, тој не е единствениот хотел во Дубровник што прават поголеми напори за зачувување на здравјето на гостите. И други сместувачки капацитети нудат можност за тестирање на гостите во самите објекти, но и прилагодување на цените кон светските трендови.

И јадранските луксузни хотели нудат можност за тестирање на гостите кои бараат таков вид на услуга, а таа пракса ја планираат за клиентите и за во иднина, додека постои потреба и интерес за таква услуга, пренесува Slobodna Dalmacija.

Фото: Pixabay