HSBC објави во средата дека го назначи Жорж Елхедри за извршен директор на групацијата, од 2 септември.
Елхедери, кој е актуелен главен финансиски директор, ќе го замени шефот во заминување Ноел Квин во септември.
Кон крајот на април, HSBC неочекувано објави дека Квин ќе си замине по речиси пет години на чело.
Назначувањето на Елхедери за главен извршен директор доаѓа помалку од две години откако тој беше унапреден во главен финансиски директор во јануари 2023 година.
„Длабоко сум почестен од довербата што ми се дава да ја водам оваа голема институција во иднината. Работејќи заедно со нашиот талентиран тим, со нетрпение очекувам да испорачам исклучителна вредност за нашите клиенти и инвеститори со тоа што ќе поттикнам силни перформанси на траекторија за одржлив раст“, рече Елхедери.
Претседателот на Групацијата HSBC, Марк Такер, го нарече Елхедери „исклучителен лидер и банкар кој страсно се грижи за банката, нашите клиенти и нашите луѓе“.
Елхедри има работено во повеќе региони во текот на неговата кариера, вклучувајќи ги Азија, Европа и Блискиот Исток. Банката соопшти дека „тој го покажа својот стратешки увид и визија и длабоки меѓународни перспективи“, додавајќи дека менаџментот го смета за „извонреден кандидат“.
Банката сè уште не го објави наследникот на Елхедерја како финансиски директор.
Квин ќе соработува тесно со Елхедери за да обезбеди „непречено и уредно предавање на одговорностите“, соопшти HSBC.
