Дубровник станува магнет за странските филмски продукции, а доказ за тоа се преговорите на градските власти со претставници од екипата што го снима култниот Џејмс Бонд.
“Дубровник преговара со луѓето на Бонд. Има разговори за пари, а со Бонд не е лесно да се преговара“, вели градоначалникот на Дубровник, Андро Влахушиќ за Vijesti.hr.
Од деветти до 20-ти март, поради снимањето на Star Wars, ќе бидат затворени сите продавници на Страдун, а навечер нема да се смее да се помине по улица.
Овој хрватски туристички град веќе беше домаќин на филмската екипа на Game of Thrones, а минатата година беше привлечна дестинација за снимање и на боливудски филм.
