Генералниот директор на Меѓународната асоцијација за воздушен транспорт (IATA), Вили Волш, изјави дека ќе бидат потребни месеци за снабдувањето со гориво за авиони и цените да се вратат во нормала, дури и по повторното отворање на Ормутскиот теснец поради прекини во работењето на рафинериите на Блискиот Исток.
Во разговор со новинарите во Сингапур, тој рече дека е тешко да се процени колку време ќе биде потребно за да се обноват залихите со гориво, но дека „тоа нема да се случи брзо“.
„Сè уште ќе биде потребен период од неколку месеци за да се вратат залихите на потребната линија со оглед на прекините во капацитетот за рафинирање на Блискиот Исток“, рече Волш.
Според негова проценка, тоа нема да се случи за неколку недели.
Пакистанскиот премиер Шехбаз Шариф утрово објави дека Иран, САД и нивните сојузници се согласиле за итен прекин на огнот, кој стапува на сила веднаш и ги опфаќа сите конфликтни зони.
Претседателот на САД, Доналд Трамп, претходно изјави дека по разговорите со раководството на Пакистан, се согласил на прекин на огнот меѓу САД и Иран во период од две недели.