ID.5 GTX Xcite дебитира како најнов ЕВ концепт на VW

25

Volkswagen го претстави својот осми концепт направен од страна на приправниците кои се дел од компанијата, а го носи името ID.5 GTX Xcite

Volkswagen го претстави концептот ID.5 GTX Xcite, кој беше создаден од тим од 14 приправници. Со својот милитаристички одблесок, концептот се одликува со мешавина на мат и сјајна боја од гамата на Lamborghini и Volkswagen. На нив им се приклучуваат 22-инчните алуминиумски тркала кои се карактеризираат со привлечен дизајн, како и powder-coated завршна обработка.

 

 

Промените не завршуваат тука бидејќи кросоверот е опремен со модифицирани браници и проширени лакови на тркалата. Очигледно се проширени и страничните прагови.

Влегувајќи во кабината, забележлив е различниот ентериер, каде Алкантара и веганската кожа ја покриваат буквално секоја површина, вклучувајќи го и управувачкиот столб. За да се разбие монотонијата тука се портокаловите контрастни шевови, саќе акценти на седиштата и извезени потпирачи за грб, истакнувајќи дека ова е осми проект од ваков тип во Volkswagen.

Заокружувајќи ги главните моменти е аудио систем од висока класа кој користи компоненти од Gladen, Musway и Bang & Olufsen. Volkswagen вели дека има 10 засилувачи, сабвуфер и вкупна моќност од 2000 вати.

И на крај, концептот е опремен со електричен скејтборд Teamgee H5 што одговара на боите за патување „последните неколку метри од паркингот до дестинацијата на возачот“.

Моќта ја обезбедува пакет батерии од 82 kWh, кој обезбедува систем со погон на сите тркала со двоен мотор, кој веројатно развива комбинирана моќност од 299 КС и 460 Nm вртежен момент. Ова поставување му овозможува на стандардниот модел да забрзува од нула до „стотка“ за 6,3 секунди, да достигне максимална брзина од 180 км/ч и да патува до 490 километри со едно полнење според циклусот WLTP.

Преземено од Avtoplus.mk