Кина во моментов има прекумерно инвестиции додека сè уште има простор за нови инвестиции во Индија, според анализата на Морган Стенли.
Во Кина има прекумерно задолжување и прекумерна понуда. Освен тоа, над оваа земја виси „облак од геополитички тензии“, се вели во анализата на познатата американска инвестициска банка.
Ова е за разлика од Индија, која е недоволно инвестирана, според банкарите. „Во Индија се инвестирани недоволно средства бидејќи инвестициите во однос на БДП се намалени, а производството се зголемува, со пренасочување што се случи како резултат на развојот на кинескиот пазар“, пренесува CNBC.
Дополнително, за разлика од Кина, Индија сè уште има простор за раст на пазарот на недвижности.
Кинескиот сектор за недвижнини е заглавен во долгови и зафатен од слаба продажба. Според S&P Global Ratings, продажбата на нови имоти за 100-те најголеми градежни компании во светот паднала за околу една третина во јуни и јули во однос на пред една година.
Морган Стенли во анализата смета дека клучен фактор за инвеститорите на кинескиот пазар е тоа што премијата за ризик во јавните и приватните кинески инвестиции е зголемена поради геополитички прашања, додека номиналниот економски раст на земјата е значително забавен.
