Шпанскиот текстилен гигант Inditex, кој поседува брендови како Zara, Bershka и Massimo Dutti, успеа да ја зголеми нето добивката за 30 отсто на 5,4 милијарди евра во 2023 година, а приходите од продажба за 10,4 отсто на 35,9 милијарди евра.
Двете ставки се рекордни, пренесува француската новинска агенција АФП.
Деловните резултати на Inditex се во согласност со очекувањата на аналитичарите, а во коментарот на Inditex посочуваат дека и покрај комплицираните деловни услови успеале да ги искористат можностите за раст. Во однос на второто, тие особено ги истакнаа геополитичките тензии и постојано високата инфлација, што штети на куповната моќ на потрошувачите.
Акциите на компанијата основана од Амансио Ортега, со која претседава неговата ќерка Марта Ортега од 2022 година, се зголемија за повеќе од 40 отсто до 40 евра во изминатата година. Пазарната капитализација на шпанскиот текстилен гигант сега изнесува повеќе од 127 милијарди евра. На акционерите им беше ветена дивиденда од 1,54 евра по акција за минатата година, што е за 28 отсто повеќе отколку што добија за 2022 година.