Сезонски прилагоденото индустриско производство порасна за 0,8 отсто во еврозоната и за 0,7 отсто во Европската унија, покажуваат првите проценки на Евростат, статистичкиот завод на Европската унија – Евростат, споредувајќи ги податоците на месечна основа, односно февруари и јануари 2024 година.
Најголем месечен пораст е забележан во Ирска од 3,8 отсто, а потоа следат Унгарија и Словенија со раст од 3,5 односно 3,3 отсто. Најголем пад е забележан во Хрватска каде индустриското производство падна за 4,6 отсто и Литванија каде е забележан пад од три отсто и Белгија со пад од 2,7 отсто.
Во еврозоната во февруари 2024 година, во однос на јануари 2024 година, индустриското производство бележи раст од 0,5 отсто кај интермедијарните производи, 1,2 отсто кај капиталните производи, 1,4 отсто кај трајните производи за широка потрошувачка, додека кај енергијата бележи опаѓање, поточно за три отсто и 0,9 отсто кај не трајни производи за широка потрошувачка, покажуваат податоците на Евростат.
Индустриското производство во ЕУ, на месечно ниво, бележи раст од 0,9 отсто кај интермедијарните производи, еден отсто кај капиталните производи и 1,7 отсто кај трајните производи за широка потрошувачка, а кај енергијата за 3,3 отсто и кај нетрајните производи за широка потрошувачка за 0,5 отсто.
На годишна основа, односно во февруари 2024 година во однос на февруари 2023 година, индустриското производство е намалено за 6,4 отсто во еврозоната и за 5,4 отсто во ЕУ.
Најголем годишен пад е забележан во Ирска од 36 отсто, Белгија за 12,7 отсто и Бугарија за 8,4 отсто. Најголем пораст на индустриското производство на годишно ниво е забележан во Шпанија, 3,5 отсто, Словенија 2,8 отсто и Данска 2,7 отсто.
Во еврозоната во февруари 2024 година, во однос на февруари 2023 година, индустриското производство е намалено за 2,7 отсто кај интермедијарните производи, 3,6 отсто кај енергијата, 8,9 отсто кај капиталните производи, 4,3 отсто кај трајните производи за широка потрошувачка и 6,1 отсто кај нетрајните производи. за стоки за широка потрошувачка.
Во ЕУ индустриското производство се намалило за 2,5 отсто за интермедијарни производи, за 3,5 отсто за енергија, 7,5 отсто за капитални производи, за 3,9 отсто за трајни производи и за нетрајни производи за 4,7 отсто.
