Инфлацијата во Турција забрза на 69,8 отсто на годишно ниво во месец април, објави во петокот Турскиот статистички институт.
Највисоки потрошувачки цени на годишно ниво се забележани во образованието со скок од 103,86 отсто и хотелите, кафулињата и рестораните со раст од 95,82 отсто.
На месечна основа, инфлацијата во Турција се зголеми за 3,18%, предводена од поскапувањата на алкохолните пијалоци и тутунот, како и на хотелите, кафулињата и рестораните.
Стапката на инфлација во април претставува најголем годишен пораст од ноември 2022 година, кога инфлацијата беше околу 85%.
Читањето на CPI од речиси 70% во април беше всушност помал скок отколку што очекуваа многу аналитичари. Но, сите надежи за намалување на каматите се далеку, велат економистите.
Централната банка на Турција ја зголеми основната каматна стапка на 50%, наведувајќи ја тековната потреба за спречување на зголемената инфлација во земјата. Банката во март соопшти дека „затегнатата монетарна позиција ќе се задржи додека не се забележи значителен и одржлив пад на основниот тренд на месечната инфлација“.
