Intel и Google прават нова класа чипови за дата центри

13

Нова категорија чипови ќе развијат Intel и Google Cloud. Двете компании се надеваат дека нивниот заеднички производ ќе стане „класичен“ за брзорастечкиот и просперитетен пазар на „cloud computing“.

Новиот чип „Mount Evans“ го одразува начинот на кој работат провајдерите. Тие градат огромни центри за податоци полни со моќни компјутери и продаваат виртуелни „парчиња“ од овие машини на разни компании, на кои им е попогодно отколку да купуваат и инсталираат сопствени серверски центри.

За „продавачите на облак“, задачите за поставување виртуелни машини и испраќање податоци за клиентите на вистинското место се во суштина режимски трошоци. Новиот чип ги одделува овие задачи од главните пресметковни задачи и ги забрзува. Ова помага да се осигури безбедноста на односните функции и додава флексибилност на центарот за податоци.

Поради својата специфичност, новиот чип е наречен од неговите креатори „јадро за обработка на инфраструктурата“ (IPU). „Mount Evans“ ќе биде продаден и на други оператори на облачни центри за податоци покрај Google, според публикацијата на Ројтерс.

Intel го гледа проектот како стратешки. „Ова е исклучително важна област за нас и за центрите за податоци“, рече Ник МекКон, виш потпретседател за вмрежување и периферни уреди во компанијата.

Покрај тоа, Intel и Google работат заедно на збир на софтверски алатки кои ќе бидат објавени бесплатно со надеж дека ќе го претворат чипот во „поширок индустриски стандард“ што ќе може да се користи надвор од центрите за податоци на Google.