Изјавите на првиот човек на JPMorgan, Џејми Дејмон често имаат големо влијание на пазарот. Акциите на JPMorgan во понеделникот скокнаа најмногу во последните 18 месеци, откако извршниот директор даде оптимистички коментари за состојбата на економијата.
Акциите на JPMorgan пораснаа за 6,2 отсто, најмногу од ноември 2020 година, што ја прави петта акција со најдобри перформанси во S&P 500 и меѓу најголемите акции со раст од 1,9 отсто, пишува See Biz.
Bank of America Corp., Wells Fargo & Co. и Citigroup Inc., пораснаа за најмалку 5 проценти, што исто така придонесе за подемот на пазарот.
Банкарскиот индекс KBW порасна за 4,1 отсто благодарение на оптимистичките коментари на Дејмон, како и зголемената прогноза за нето приходите од камати на JPMorgan без пазарните операции и неговите стабилни изгледи.
Аналитичарот на Wells Fargo, Мајк Мајо, им кажа на клиентите во белешка дека најважниот заклучок од состанокот организиран од JPMorgan е дека „рецесијата не е неизбежна“. Презентацијата беше оптимистичка за компанијата, а „уште повеќе за индустријата“, додаде тој.
Банкарските акции се под голем притисок оваа година поради загриженоста дека низата агресивни зголемувања на каматните стапки од страна на Федералните резерви би можеле да ја турнат американската економија во рецесија. Индексот KBW падна за околу 25 отсто откако достигна рекордно високо ниво на почетокот на јануари.
JPMorgan беше најтешко погодена меѓу најголемите банкарски акции. Иако растот од понеделник помогна да се избрише дел од годинешниот пад, овој кредитор сè уште е во минус од 21 отсто.
