Jапонија и Европската унија дополнително ја зајакнаа соработката поврзана со стабилното снабдување со полупроводници.
Целта на зајакнувањето на оваа соработка е заштита од ескалација на американско-кинеската „технолошка војна“, пренесува Kyodo News.
Јапонскиот министер за економија, трговија и индустрија Јасутоши Нишимура и европскиот комесар за внатрешен пазар Тиери Бретон потпишаа меморандум за разбирање, фокусиран на развивање механизам за размена на информации за да се спречи потенцијалниот недостиг на чипови.
Според документот, Брисел и Токио истовремено ќе споделуваат информации за владините субвенции за фирмите за да се спречи прекумерна понуда на чипови.
Покрај тоа, Јапонија и ЕУ сакаат да ја поттикнат соработката во развојот на човечките ресурси, како и во истражувањето и индустрискиот развој.
Јапонија се обидува да ги продлабочи партнерствата со сојузниците за да развие еластични синџири на снабдување за критични производи и материјали, вклучувајќи чипови, батерии и минерали, поради зголемените геополитички ризици, соопшти јапонската агенција.
Потсетиме дека во петокот, холандската влада објави нови ограничувања за извозот на одредени видови полупроводници, што ги натера САД да го ограничат извозот на високотехнолошки компоненти во Кина.
Во оваа прилика Кина ја повика Холандија да не ја попречува билатералната соработка во индустријата за полупроводници и да не ги злоупотребува извозните контроли.