Силвио Берлускони, милијардерот и поранешен премиер на Италија, почина вчера, оставајќи зад себе голема деловна империја.
Сè уште не е јасно како богатството на Берлускони, изградено со поседување на некои од најпрепознатливите италијански компании, ќе се подели на неговите пет деца.
Индексот на милијардери на Блумберг го процени нетото богатство на Берлускони на 7,6 милијарди долари, а како италијанскиот државник, најдолготрајниот премиер од Втората светска војна и еден од најконтроверзните луѓе што ја водел земјата, ги заработил своите пари?
Медиумски магнат
Четирикратниот премиер на Италија влезе во политиката на 57-годишна возраст. Но, пред тоа тој го стекна своето богатство како инвеститор во доцните 1960-ти, пред да се прослави како медиумски тајкун.
Во 1970-тите, тој ги прошири своите интереси со основање на ТВ-кабелската компанија Телемилано и купување на уште два кабелски канали во Италија.
Во 1978 година, овие канали беа инкорпорирани во неговата новоформирана семејна холдинг компанија, Фининвест. Преку Фининвест, Берлускони се стекна со големи удели во некои од најголемите европски медиумски компании.
Берлускони поседуваше 61,3 отсто од акциите во холдинг компанијата на крајот на 2021 година, објави Ројтерс. Фининвест е најголемиот акционер во компанијата со 48 отсто од акциите. Телевизијата, која има пазарна капитализација од 1,6 милијарди евра, управува со комерцијални ТВ канали во Италија и Шпанија и поседува голем удел во германската ProSiebenSat.1 (PBSFF). Фининвест има и 53 отсто од акциите во Мондадори, најголемиот издавач на книги и списанија во Италија.
Фининвест го продаде Милан за 740 милиони евра во 2017 година, по 31 година сопственост. Во твитот во понеделникот, клубот соопшти дека е „длабоко тажен“ поради смртта на Берлускони и тажен поради „починувањето на незаборавниот Силвио Берлускони“.
Правни проблеми
Политичките контроверзии што го зафатија Берлускони беа тесно поврзани со неговите работи. За време на неговите речиси две децении во политиката, му се судеше по најмалку 17 обвиненија, вклучително и проневера, даночна измама и поткуп, иако тој секогаш негираше дека сторил нешто лошо, а многу од тие случаи на крајот беа отфрлени по жалба.
Во 2012 година, судот во Милано го осуди поранешниот лидер на Италија за даночно затајување. Обвинителите откриле дека Берлускони, заедно со директорите на Медиасет, купувале ТВ права на филмови и потоа ги препродавале по „надуени“ цени. Шемата им овозможи на вклучените да избегнат плаќање даноци, рекоа обвинителите.
Што е следно?
Берлускони има пет деца од два брака. Сите имаат значителен удел во Фининвест, но неговото најстаро дете, Марина (56), претседава со компанијата од 2005 година и се вели дека е најверојатно да ја преземе контролата врз деловната империја на нејзиниот татко.
Пјер Силвио (53) е извршен директор на MediaForEurope. Акциите на компанијата скокнаа за цели 10 отсто во понеделникот, пред да паднат на 2 отсто доцна попладнето, бидејќи инвеститорите очекуваа потенцијални промени во сопственоста по смртта на Берлускони.
Марина и Пјер Силвио имаат по 7,7 отсто од акциите во Фининвест, додека трите деца на Берлускони од вториот брак заедно поседуваат 21,4 отсто од акциите, според Ројтерс.