Фото: Pixabay
Кога ќе помислите дека засекогаш го изгубивте клиентот, добро време е да почнете да ја смислувате стратегијата за повторно враќање.
Еве како да го направите тоа:
Дознајте ја причината
Клиентите не си одат туку така, затоа дознајте зошто се одлучиле на таков потег. Направете анализа на вашите силни страни, слабости и можности со цел да разберете зошто вашиот производ/услуга ја изгубил вредноста во очите на купувачот. Дознајте кои се слабостите на компанијата, особено кога станува збор за потенцијалните промени на пазарот. Бидете искрени со себе кога ќе одговарате на прашања од типот: Дали сте постојани со цените и квалитетот на производот/услугата? Дали повеќе не сте конкурентни на пазарот? Каков однос имавте со клиентот? Доколку не можете објективно да одговорите на прашањата, ангажирајте лице што не било поврзано со случајот.
Обезбедете пишан доказ
Ви треба план за “напад”, со цел повторно да го вратите клиентот. Поставете си рокови за следната средба со него, но немојте премногу да чекате. Честопати компаниите грешат кога чекаат повеќе од една година за повторно да воспостават контакт. Треба да најдете начин да останете во радарот на клиентот, без сосема да се изгубите од видното поле. Не чекајте тој/таа да се поврзе со конкурентската фирма. Најдете начини да останете поврзани со купувачот по секоја цена.
Најдете го повторно патот, постепено
Нема потреба да се обидувате да го вратите во целост бизнисот со вашиот клиент. Можеби ќе биде попаметно полека да си го отворате патот, чекор по чекор, со мали бизнис зделки. Можете дури и да понудите целосно различни производи или услуги од претходните. Откако ќе добиете едно ДА, дури потоа преминете кон повторно освојување.
Барајте завршен состанок
Побарајте од клиентот да се состанете со цел да дознаете што тргнало наопаку и кои се факторите што придонеле за одлуката. Притоа потрудете се да не бидете дефанзивни. Преземете ја потребната одговорност и извинете се доколку е потребно. Искористете ги овие состаноци да откриете каде сте згрешиле, но и за да ги дознаете потребите на клиентите.
Вие сте виновни, не компанијата
Отворено прашајте го клиентот дали сте вие во прашање. Понекогаш две компании одлично си одговараат, но не и нивните сопственици. Можеби ќе треба и да остапите од лидерската функција на проектот со цел да ја исправите ситуацијата. Со тоа што ќе го поставите прашањето: Дали јас сум виновен/на? на добар пат сте да започнете еден искрен разговор што може да резултира со враќање на клиентот. Сепак потрудете се емоциите да не ве надвладеат. Обидете се да гледате на губењето на клиентот како нова можност за повторно да го вратите бизнисот во игра и ако имате среќа тоа да се случи со помал трошок отколку претходниот пат.
