Фото: Pixabay
Да се остане професионален и во најтешките ситуации е карактеристика што е од клучно значење во секоја кариера. Ако сте од оние на кои им треба малку поттик и лекција на оваа тема, прочитајте на што треба да внимавате.
Карактер
Сè започнува со тоа што сме и како се однесуваме. Карактерот на некој начин ни го дефинира нивото на професионализам, а клучно за сите професии е да се има интегритет. На луѓето со висок интегритет не им недостигаат добрите елементи од карактерот. Тие се секогаш искрени и со етички вредности. Најдобар тест за вашиот интегритет е однесувањето што го имате кога никој не ве гледа.
Желба
Најдобрите и најпрофесионалните работници се заинтересирани за стратегии и правци на работење. Тие и самите бараат да решаваат сложени задачи и преземаат одговорност за нивната кариера. Имаат желба да учат нови вештини и да ги подобруваат своите способности со цел да создадат поголема вредност.
Изглед
И изгледот е важен кога станува збор за професионалноста. Начинот на облекување, фризурата и степенот на уредност, сето тоа создава претстава кај другите за тоа каква личност сте. Ако внимавате на изгледот, во секоја смисла на зборот ќе им покажете на клиентите, колегите, вработените дека се грижите за нив, односно за тоа што го работите.
Грижа за клиентите
Главен показател за професионалност во работата е начинот на којшто ги третирате клиентите. Да се надминат очекувањата на клиентите треба да биде мисија на секоја компанија. Односите со клиентите треба да се пријателски и таа врска да се негува и одржува постојано.
Комуникација
Тоа што ќе го кажете и начинот на којшто ќе го кажете може многу да покаже за каква личност станува збор. Пред да се сретнете со некој клиент за прв пат подгответе се за пријателска комуникација. Направете мало истражување. Трудете се да оставите добар впечаток, гледајте ги луѓето во очи, поздравувајте се со цврст стисок на раката и изговарајте го нивното име за побрзо да го запомните. Не избрзувајте со разговор за бизнис.
Смиреност
Смиреноста е многу важна кога станува збор за справување со стресот. Кога ќе се најдете во конфликтна ситуација запомнете дека секогаш има три страни, ваша, на другата личност и нешто помеѓу што ги поврзува двете страни. Најчесто средината е она вистинското. Способноста да се остане присебен и смирен во ваква ситуација е показател за професионално однесување.
Посветеност
Професионалниот однос значи да се остане посветен на работите кога сте пред искушение и кога е полесно да не бидете професионални. Од клучно значење е да ја покажете вашата посветеност пред клиентите особено по состаноците. Тоа ќе покаже дека сте совесни и максимално ангажирани.
