Хобијата се одличен начин да го пополните слободното време и да запознаете луѓе со слични интереси. Но, дали некогаш сте се запрашале како најбогатите луѓе во светот го поминуваат слободното време?
Некои од најбогатите луѓе во Америка обично се основачи или извршни директори на големи, успешни компании, паметни инвеститори или само наследници на богатството на нивните родители, пишува Fortune.
Многумина поседуваат приватни авиони и јахти и имаат неколку куќи за одмор. Можеби не е изненадувачки што милионерите не трошат на кина или спортски сали бидејќи обично имаат домашни кина и свои спортски сали. Наместо тоа, поголемиот дел од слободното време го поминуваат на хоби.
Најчестите активности на богатите во 2022 година
Според извештајот на компанијата New World Wealth (NWW), која ги следи навиките на најбогатите луѓе во светот, најчестите активности и хобија со кои се занимаваат или во кои учествувале милионерите во 2022 година се: голф, собирање уметнички дела, велосипедизам, скијање, јавање коњи, риболов, лов, едрење,колекционерство со часовници, колекционерство на автомобили.
Во извештајот се забележува дека возењето велосипед, собирањето автомобили и риболовот стануваат сè попопуларни хоби откако NWW почна да спроведува истражување во 2013 година. Учеството во повеќето активности на отворено, како што се голф и јавање, бара милионерите да патуваат надвор од границите на градот.
Повеќето живеат во Њујорк, а потоа следат заливот Сан Франциско, Лондон, Лос Анџелес и Пекинг.
„Супербогатите се мотивирани од желбата за слобода и независност. Тие сами ќе одлучат што ќе работат, каква работа ќе работат, кога ќе работат, каде ќе работат и со кого ќе работат“, напиша Рајнер Цителман, еден од авторите на извештајот.
