Фото: Pixabay
И покрај тоа што технологијата се обидува да нè одвои од природата, луѓето сè уште се дел од неа и ги чувствуваат временските промени како и останатите живи суштества.
Според експертите, на наглите температурни разлики најмногу реагираат хронично болните и метереопатите. Тие реагираат со различен степен на сензитивност на временските промени како што се воздушниот притисок, температурните разлики и влажноста на воздухот.
Овие промени влијаат на човечкиот организам и можат да ги влошат симптомите на веќе постоечките болести, особено го зголемуваат интензитетот на болката.
Манифестациите се различни:
Раздразливост, агресивност, депресија, апатија, замор, недостаток на концентрација
Проблеми со спиењето
Главоболки и мигрени
Проблеми со срцето и крвниот притисок
Гадење
Вртоглавица
Ревматски болки
Кај ревматичарите особено се засилуваат болките во зглобовите со доаѓањето на ладно и влажно време, додека студениот и сув воздух им пречи на они што страдаат од астма. Кога времето прави да се чувствуваме лошо тогаш не е ни чудно што нашиот перформанс и однесувањето се менуваат. Забележано е дека децата се значително понемирни и расеани пред голема промена на времето.
Слично е и со возрасните, облачното време како и топлите и влажни денови се причина за недостаток на концентрација, за разлика од сончевите денови со оптимална температура и висок притисок кога човечкиот организам најдобро функционира.
Модерниот начин на живот којшто подразбира користење на климатизери, навлажнувачи на воздух и разни уреди за греење се причина човечкиот организам да не умее да се справи со температурниот шок како што треба, што е пак причина за стрес.
Најдобар совет од стручните лица е да се зацврстат сетилата со тоа што ќе бидат изложени на временските прилики. Тоа подразбира поминување повеќе време надвор без разлика дали врне, дува или е многу топло. Некои доктори дури советуваат користење на посилни стимуланси како одење во сауна и туширање со ладна и топла вода.
