Со појавувањето на алатката за вештачка интелигенција на ChatGPT на крајот на минатата година и општиот „бум“ околу таа технологија што настана како последица на тоа, вредностите на акциите на компаниите кои се занимаваат со развој на вештачка интелигенција вртоглаво пораснаа во 2023 година. Тоа се, на пример, компаниите Meta, Microsoft, Nvidia, Alphabet и Oracle.
Според тоа, профитираа и челниците на тие компании. Некои од најбогатите луѓе во светот, чие богатство се брои во стотици милијарди долари, годинава станаа уште побогати.
Марк Цукерберг, +58 милијарди долари
Како што пренесува Business Insider, акциите на Мета пораснале за 134 отсто од почетокот на годината благодарение на зголемената популарност на вештачката интелигенција, но и фактот што сопственикот и извршен директор Марк Цукерберг со години ги намалува трошоците на компанијата, што го зголемило неговиот богатство за повеќе од 58 милијарди долари, до сегашните 104 милијарди долари, според индексот на милијардери на Блумберг.
Лери Елисон, + 47 милијарди долари
Богатството на Лeри Елисон, основачот на Oracle, се зголеми оваа година за 47 милијарди долари, исто така благодарение на добивката во технолошките акции од дури 55 проценти. Со тоа, Елисон го престигна Бил Гејтс на листата на милијардери на Блумберг само оваа недела.
Бил Гејтс, +23 милијарди
Самиот Гејтс, благодарение на акциите во Microsoft, кој беше ран инвеститор во креаторот на ChatGPT OpenAI и интегрирана ChatGPT технологија во неговиот пребарувач Bing, оваа година е побогат за 23 милијарди долари. На влијанието врз растот на Мајкрософт, а со тоа и врз нето вредноста на Гејтс, влијаеше и големиот инвеститор Стенли Дракенмилер, кој во Мајкрософт инвестираше 220 милиони долари, додека во Nvidia 210 милиони долари.
Јенсен Хуанг, +24 милијарди
Џенсен Хуанг, основач на една од најуспешните компании во 2023 година – Nvidia – е исто така побогат за 24 милијарди долари. Вредноста на Nvidia, производителот на чипови важни за развојот на вештачката интелигенција, годинава се зголеми за 192 отсто и достигна пазарна капитализација од еден трилион долари.
Севкупно, светските милијардери станаа побогати за повеќе од 150 милијарди долари од почетокот на оваа година, покажуваат пресметките на Business Insider.