Владата на својата интернет страница објави протоколи за одржување на спортски натпревари, работа на музеи, галерии, за работа на компании за промотивни настани, за вршење на меѓуградски превоз и слично.
Па така, за компаниите коишто организираат промотивни настани, истите треба да ги организираат на отворенo; да се организираат со 50% од капацитетот на местото каде што се одржува настанот; задолжително е носење на заштитна опрема; задолжително е одржување на физичко растојание од два метра; задолжителна дезинфекција на раце; засилени санитарно – хигиенски мерки…
На веб страницата на Владата на Република Северна Македонија (https://vlada.mk/protokoli-koronavirus) се објавени Протоколот за редовна работа на уплатно-исплатни места на приредувачите на игри на среќа во обложувалница (трета фаза), измени и дополнувања на Протоколот за работа на угостителските објекти за сместување (хотели и други угостителски објекти за сместување).
На интернет страницата на Владата се објавени и Протоколот за работа на музеи, галерии и изложбени простори, Протоколот за спроведување на мерки за заштита од КОВИД-19 при организација на настани, промотори, рентал компании, видео и аудио продукции и техничка поддршка на овие настани, Протоколот за упис на ученици во јавните ученички домови во учебната 2020/2021 година, Протоколот за работа на танцовите и балетските клубови, Протоколот за вршење на меѓуградски превоз, како и Препораки и упатства за спречување на ширење на КОВИД-19, при влез на македонски и странски државјани во Република Северна Македонија.
Денеска е објавен и Протоколот за организирање спортски настани со упатства за стриктно почитување на препораките кои се однесуваат на запазување на здравствената безбедност на играчите и останатите вклучени во натпреварите, кои се организираат без присуство на публика.
Фото: Freepik