Градоначалникот на општина Охрид Никола Бакрачески вчера оствари средба со вршителот на должноста амбасодор на Катар во Република Македонија, Мохамед Рашид Х. Субах.
Како што информира општинската прес-служба, амбасадорот Субах го запознал градоначалникот со сериозните намери на катарските инвеститори за нивно доаѓање на Охридското крајбрежје.
Според информацијата, катарските инвестици се планирани да бидат пред се во областа на хотелиерството и здравствениот туризам.
Бакрачески ја истакнал подготвеноста на локалната самоуправа да излезе во пресрет на потенцијалните катарски инвеститори со целосна логистичка и законска поддршка на нивните проекти.
