Кина возвраќа: На американските компании им е забрането увоз, извоз и инвестирање

32

Кинеското Министерство за трговија објави дека на некои американски компании ќе им забрани увоз и извоз на активности поврзани со Кина, како и дека ќе им забрани да прават какви било нови инвестиции.

Министерството го стави General Atomics Aeronautical Systems на својата листа на недоверливи ентитети бидејќи компанијата продавала оружје на Тајван, се вели во соопштението. Исто така, вклучени се General Dynamics Land Systems и Boeing Defense, Space & Security.

На високите менаџери на сите три компании им е забранет влезот во Кина, пренесува Хина, а ќе им бидат укинати работните дозволи, како и статусот на посетител и престој, а барањата што ги поднесуваат нема да бидат одобрени.

Кина, исто така, започна антидампинг истрага против одредени производители на хемикалии од Европската унија, САД, Јапонија и Тајван.

Предметните хемикалии се кополимеризиран параформалдехид, кој делумно може да замени бакар, цинк, калај, олово и други метални материјали што се користат во автомобилски делови, електрични уреди и индустриски машини.

Експертите ги гледаат мерките на кинеската влада како реакција на последните случувања во трговскиот спор со Западот.

Меѓу другото, минатата недела американскиот претседател Џо Бајден воведе специјални царини од 100 отсто за увоз на електрични автомобили од таа земја.