По многубројните гласини во изминатите 12 месеци, се чини дека батериите на BYD конечно ќе го најдат својот пат до производите на Tesla
Кинескиот производител на автомобили BYD се подготвува да започне соработка со Tesla која ќе се однесува на снабдување со батерии за електричните возила на американската компанија.
Најголемиот светски производител на електрични и plug-in хибридни возила веќе снабдува други производители на автомобили со своите батерии. Исто така, оваа компанија е одговорна и за развој на иновативната батерија Blade користејќи литиум-железо-фосфат и се вели дека е побезбедна алтернатива на традиционалните дизајни на батерии.
При неодамнешниот разговор со кинеската државна телевизија CGTN, извршниот потпретседател на BYD, Лиан Јубо, рече дека Tesla наскоро ќе стане еден од нивните клиенти. „Сега сме добри пријатели со Елон Маск бидејќи се подготвуваме да испорачаме батерии на Tesla многу наскоро“, истакна Јубо.
Tesla го набавува својот сегашен литиум-железо-фосфат од батерискиот гигант CATL и ги користи овие батерии во автомобилите произведени во неговата Гигафабрика во Шангај. CATL стана исклучително важен снабдувач за Tesla што речиси половина од сите возила што Tesla ги изгради во првиот квартал од годинава беа опремени со литиум-железо-фосфатни батерии.
Reuters истакнува дека тие служат како поевтина алтернатива на ќелиите на никел-кобалт батериите кои обично се користат на Запад. Tesla ги добива дел од своите никел-кобалтни ќелии од Panasonic и LG Energy Solutions.
Деталите во врска со договорот за снабдување со батерии помеѓу BYD и Tesla сè уште не се познати, а двата производители на автомобили не даваат детали за договорот. Временската рамка за договорот допрва треба да биде објавена, а исто така не е сигурно дали BYD ќе ја снабдува Tesla со своите нови ќелии за батерии во стилот на Blade или некој друг формат на батериски ќелии.
Преземено од Avbtoplus.mk
