Кинеските компании BYD и CATL брзо ги прошируваат своите операции во Европа и инвестираат во Унгарија со цел да бидат присутни на пазарот на електрични возила и батерии на Стариот континент.
Производителот на електрични автомобили BYD планира да отвори фабрика во Унгарија до крајот на оваа година, објавува Ројтерс.
Првиот модел што ќе излезе од производствената линија ќе биде компактниот електричен автомобил „dolphin surf“, а извршната потпретседателка на компанијата, Стела Ли, истакнува дека BYD сака да остане во Европа на долг рок.