Кинеските власти очекуваат голема ценовна војна меѓу производителите на електрични автомобили и plug-in хибриди оваа година, бидејќи понудата треба да ја надмине очекуваната побарувачка.
Производителите ќе лансираат 150 нови модели на автомобили на пазарот оваа година, вклучително и повеќе од 110 модели возила напојувани од нови извори на енергија, пренесува Хина, што ќе резултира со пожестока конкуренција, објави Националната комисија за развој и реформи (NDRC).
Новите извори на енергија вклучуваат батерии и комбинација од фосилни горива и електрична енергија во приклучните модели.
Побарувачката за електрични возила и plug-in хибриди треба да се зголеми за 2,1 милиони возила, но трите водечки марки на мали електрични возила чија брзина не надминува 40 километри на час, BYD, Aito и Li Auto, планираат да ја зголемат испораката за 2,3 милиони возила , забележува комисијата, што сигнализира прекумерна понуда.
Во такви услови, производителите ќе се обидат да привлечат купувачи со намалени цени, со дополнителен поттик за пониски трошоци за батериите и принципот на економија на обем, така што попустите во Шенжен, метропола која нашироко прифаќа електрични возила, ќе се движат од пет до десет проценти, соопшти NDRC.
Најголеми попусти нудат BYD и Denza, чии возила во април се поевтини од 7,15 до 9,7 отсто во однос на почетокот на годината, според NDRC, а потоа следи Li Auto.