Кинезите ја освојуваат Европа: Секој петти автомобил пристигнува од оваа земја во февруари

18

Кога ќе ги погледнеме најновите податоци, тешко е да се замисли дека за пет или десет години кинеските електрични автомобили нема да станат доминантни на европскиот континент.

Според анализата на пазарот објавена од Jato Dynamics, во февруари секој петти продаден EV во Европа всушност бил произведен во Кина, а во споредба со истиот месец во 2023 година, бројот на регистрирани кинески автомобили е дури 45% поголем.

Автомобилите што се произведуваат во Кина се продадени во повеќе примероци од оние што се произведуваат во Италија, Кореја, Мароко и Романија, кои се сите земји кои се големи играчи кога станува збор за пласирање стоки на европскиот пазар.

„Ова зголемување делумно може да се објасни со фактот што кинеските производители презедоа построги чекори за да го забрзаат увозот, поради неизвесноста за тоа како ЕУ ќе постапи кога станува збор за истрагите за субвенционирање“, се вели во извештајот на аналитичката компанија.

„Зголемените царини би можеле да го забават растот на кинескиот увоз, но додека тоа не се случи тие брзо ќе испраќаат возила во Европа“, додава Јато Динамикс.

Сепак, Фелипе Муњоз, експерт од оваа компанија, вели дека кинеските брендови ќе имаат долг пат пред да заземат значителен дел од европскиот пазар, а тоа пред се се однесува на начинот на кој луѓето ги гледаат и прифаќаат нивните автомобили.